Дмитрий Дмитриевич Уляшев

1908–?

  Уроженец с. Вольдино.

На Великую Отечественную войну призван в июле 1941 г., рядовой.

Демобилизован в мае 1942 г. по ранению.

«Книга памяти Республики Коми», том 6, стр. 819

Вöльдiнса, но палюрö пырлöма Выльгортысь петöм ныв дорö, Надежда Степановна дорö. Надеждалöн семьяын вöлöма 14 чоя-вока, и ставыслы вокъясыс отсалöмаöсь овмöдчыны кытчöсюрö. Разалöмаöсь пö тай Украинаö и быдлаö, – казьтывлö Лидия Дмитриевна Федюнёва, кодкöд ми чая пызан сайын мургыштам-сёрнитам.

Вот и Надялы вокъясыс ньöбöмаöсь Кузьмылькйысь керка. Том гозъя сэтчö и кайöмаöсь, кор виччысьöны нин, вöлöм, семьяӧ содтöд. Уджавлöмаöсь «Авангард» колхозын. Чужтылöмаöсь войнаöдзыс квайт челядьöс: Коляӧс, Лёшаӧс, Никитаӧс, Ваняӧс, Раисаӧс, Лидаӧс. Медыджыдыс Рая, мамлы отсöг, ки пöв. Сэсся батьлы коланторъяс, Коля да Лёша. Никита да Ваня ичöтнас на кулöмаöсь.

Пансис финскöй война. Оз тай юась сiйö, кымын челядь тэнад. Босьтöмаöсь Митрей Митрейöс тайö война вылас, да мöд война пансьöмсö сэн и паныдалöма.

(Лидалы сэки сöмын на во да кöкъямыс тöлысь вöлöма). Надежда Степановна вöлöма МТФ-ын (молочно-товарная ферма шусис) бригадирöн. Уджыс юр выв тыр, а кывкутӧмыс! Омöлик кöрымнад бура сьöкыд йöв-яйтö босьтны – «чипан кокысь вый пычкыны».

Воюйтöма Сталинград дорын. Чорыда ранитчöма 1943-öд воын. Вайöмаöсь Свердловскса госпитальö. Сiйö жö воас ранитчöм вöсна демобилизуйтiсны. Ловйöн воис гортас, а вот Коля да Лёша пияныс сiдз и вошисны война вылас, весиг «Паметь книгаын» абуöсь. Ог тöдöй нинöм: кор, кöнi, кыдзи?

Война бöрын чужлiс на сизимöд кага – Аделаида. Но квайт арöсöдз и быдмылiс. Кулiс и Раиса. Лидия Дмитриевна колис öтнас ыджыд семьяысь.

                                                                                                          П.А. Уляшева